كان حلمى

 السلام عليكم ورحمة الله وبركاتة

كان حلمى بيسط وجميل

حلم كان نفسى احققة لما الناس بدأت تتكلم على الموهبة بتاعتى

كنا بنلعب فى الملعب الخماسى كنت على طول احب ابقى حارس مرمى وكنت بلعب مع ناس كبار

كان سنى حوالى 15 او 16 سنة وكنت بلعب مع ناس كبيرة من العشرينات وانتا طالع

ما انكرش ان الكورة لما كان بتطشات كانت بتبقى جامدة اوى وكور كانت بتبجب فى راسى تخليها تصدع بس الحمد لله ما كنتش بخاف منها روحت قدمت فى اختبارات الترسانة

لعبت ماتش صغير والحمد لله كنت كويس .... الكابتن قالى تعالى فى يوم كذا روحتله لقيت واحد جميل كدة كابتن يعنى دخل على الاجوان الى كانت معايا طلعهم واحد واحد

وطلعت انا كمان وفضلت العب فى الخماسى زى ما انا بس بصيت لقيت مش انا لوحدى كدة

لقيت ناس كتيرة جدا تانية كدا لعيبة موهوبين جدا جدا وبرضو بيلعبو فى الخماسى من فين لفين معانا والحمد لله على كل شئ